Der Brautsuppenstreit Anno 1666 (niederdeutsch)
| Less | ||
| is | ||
| more | ||
| more | or | less |
Der Brautsuppenstreit Anno 1666 (niederdeutsch) |
|
||||||||||||
| Bauerngespräch zwischen Kurt Schlabberbart und Hans Rümenapf |
|
||||||||||||
| Home > Der Name Rümenapf > Der Brautsuppenstreit Anno 1666 (niederdeutsch) | Eintragen Impressum |
Der Text aus dem 17. Jahrhundert ist in der Herzog-August-Bibliothek Wolfenbüttel
Hochdeutsche Version
zu finden (Signatur YK 6 Helmstedt 4*, Sammelband mit mehreren Stücken, 12. Stück).
Albert Rümenapf (sen.) hat das Original übertragen.
Erste Textseite des Originals
Mehr über den Text
|
Kortzwylig Burenschnakk Kaurt Schlabberbaat. Guen Morgen Naber Hans/ wat schal ek gues seggen?Jy pleeget wol taur Noot/ en Penni bytauleggen/ Deen man sau bruken kan/ wan man taur Hogtyet gait/ Ook süs byem guen Frünn/ tau Tiden Vadder stait/ Wann jy nu ainen hafft/ sau laten mek dog over Ek wil jük wene vereern/ en hübschen swarten Dover By jue Aleken/ de is van guer Tugt Un brinkt fast alle Maant/ sülv anner sine Frucht. Hanß Rümenap. Gott dankk jück Naber Kaurt/ syet dog dewyel wilkomenUn settet jük darhen/ ek haffe wol vornomen Wat ju begeeren is/ un wollet ook wol daun Wan nig de Dalers längst im Steerte hedd Häs haun Des Brannen Börgers Volk/ dat hier sau hatte togen Un mangen Buersman upt ühterst' uhtesogen Dat is hiermidde meint: de hafft de Talers weg/ De ek süs wol taur Noot em guen Frünne Heeg' Kaurt Schlabberbaat. Og! Og! wor wil ek den en heelen Daler krigenDer Jödden weert sau veel/ de wesselt se by Stigen ja wol by dusend in/ drumm fint man ook nig meer Byem mainen Buersmann de Dalers mit dem Peer/ De koomet alle weg/ dartau ook de Goltgüllen De hafft sek gantz verloorn/ de mötet alle füllen Der Riken öre Büels/ de sett se in de Schicht/ Dat manger dat Puddaal davoor tau Lone krigt. Hans Rümenap. Segt mek doch Naber Kaurt/ wor tau wol Jy den brukenDeen Daler mit dem Peer/ ek kannet jo nig ruken Wat jue Mainy is/ sau wil ek nog enmaal Jük helpen uht der Noot/ un van der harte Quaal Dog liker mit Beding: Dat Jy mek wedder bringet En sölken blanken Gast/ un de sau hurtig klinget/ Dat is de leste nu deen/ haff' ek saue heegt Aß mange karge Frue en Ay tau heegen plegt. Kaurt Schlabberbaart. Myen leve Naber Hans dat künn Jy ligte denkkenWortau de Daler schal/ wan ek jük man en wenkke Na user Parre geef'/ dar schal de Daler hen/ De Bruethues wel ja syen/ sin Jyer nig gebeen? Hör ek dog gistern nog/ im Krauge van dem Köster/ Un dat nog meer tau truen/ ook van dem Schaulemester Se wolln dat gantse Dörp hier bidden overall Tau düsser Fröliggait/ tau düssem Hogtyetmaal. Hans Rümenap. Jy hört wol wat ek segg'/ ek binner nig gebeedenMit mynem Huesgesinn dog aver wol taufreeden Dat ek vorschonet bin/ dat Gelt wart dog wol nütt' De Mauspott köstet veel/ dartau is düer de Grütt'. Un wan dat Glyek nig weer sau dreug ek dog bedenkken Taur Bruethus meer taugaan/ et wel jük ook wol kräncken Wan Jyer komet hen/ dar is neen twifel an/ Schölt süs up düsser ook naer nyen Ornung gaan Kaurt Schlabberbaart Ho! ho! Hans Rümenap ek hafft al inner NäeseWat ju bedencken is/ un wat dat Dinck mag weesen Dat jük tau rügge holt taur Bruthues meer tau gaan Wat gilt ek willet straks taum eestenmaal entraan? Dütt is wat Jy bedenkt: De Bruet Sopp' is vorboen Van allen Kanssellen/ dat wel nog mangen kroen De süs des Morgens frau/ sau ball de Kauheer draiff en hüpte Schöttelfull in syne Lyren raiff. Hans Rümenap Ja! ja! Kaurt Schlabberbaart Jy hafftet regte dropenWat myne Mainy is/ un nog nig veele sopen Dat hör ek dar wol uht/ de Bruetsopp is nu foort Jy kriegt se hier ook nig/Ek segge jük en Woort. Drümm frag ek niks darna/ dat se mek hafft vorschonet/ Dat wol mek selssen syen/un veel tau unnewoonet Wan ek des Morgens schöll de Soppen nig vorteern De ek süs al myen Daag haff getten lybent geren Kaurt Schlabberbaart Main Jy Hans Rümenap dat ek dat nig betrachte?Ek denkker frylig up/ by Dage un by Nachte Wat dat vor queelerry wel geefen in dem Buuk Wan he den Soppen nig na synem ohlen Bruuk Mag tau sek nehmen/ og! Wor wil de Brauer kurren Un over düssen Punt der Nyen Ornung murren/ Mek dünkt ek feulet reenst wat mynem Kaldunenwaark Vor groter hungerspyen wel dryfen vorn quark. Hans Rümenap Recht/ dat bedenk ek ook/ drum blyeff ek leverst inneVor sölker Magenpyen/ mek ist darby gaar dünne Dat se mek hafft vorsmaat/ ek wil dog lykeseer Öhn wünsken alles gues na Christus syner Leer. Myen Greetje schal mek ook de besten Schinkken koken/ Sau ball de Köke man taur Hogtyet tengt tau roken Darvan will ek de tyet mek wat tau gue daun Ook nog des Dages wol vorteeren en junk Haun Kaurt Schlabberbaart Dat seeng de leve GOtt! Wan Jy et jück man teemet,Un over düsse Saak nig al tau starkke grämet Dat Jy sint nig gebeen tau düsser Hogtyet lust/ Wat mag de oorsaak syen dat is mek unbewust. Drümm tröstet Jy jük mann mit Heunern un mit Schinkken Künt ook des Dages wol dartau en Stöfken Drinkken Dat süs de Sorge plegt vam Harten weg tau bring'n Un maket dat man kan Runda dinella sing'n. Hans Rümenap Ek hadd' ook saue dagt/ de Kreuger maut wol borgenBy deem wil ek de Tyet versetten mine Sorgen/ Un singen: Henneke Knecht/ dat schal mek beeter syen/ Aß wan Jy feulet dort de groten Soppenpyen. Hier midd' hör ek nu up/ un wünske düt van Harten Deem Brögam un der Bruet/ dat se tausammen parten Gelük un Ungelük/ sau lyek se ümmer künt Sau lange se/ tauhoop up düsser Eere sind'. Kaurt Schlabberbaart. Recht sau Hans Rümenap/ dat will ek moren ReümenBy usem Heern Pastoor/ dog averst jük nig neümen De wunsk is rechte guet/ GOtt geef et wehre waar! Dartau en jungen Soon im Ehstann' overt Jaar! Wat schöl öhn leve syen dartau van bayen parten Den Olen ja sau wol: De wünsket dat van Harten/ Un biddet Dag un Nacht/ dar is neen twifel an/ Dat se dog overt Jaar öhn mögen Vadder staan. |
| Letzte Änderung: Dienstag, den 09. Jan 2007 Hinnerk Rümenapf | made in Hast und Eile |